“CLICK O’ZINI O’ZI BAND QILGAN SHAXSLAR UCHUN” SERVISINING

O’zbekiston Respublikasi, Toshkent shahar
2024 yil “29” noyabrdan e’tiboran amal qiladigan “1.0”-sonli versiyasi.

1. UMUMIY QOIDALAR

1.1. Mazkur Foydalanuvchi kelishuvi (keyingi o‘rinlarda Kelishuv deb yuritiladi) Servisdan foydalanish tartibini belgilaydi va O‘zbekiston Respublikasi Markaziy bankining to‘lov tashkiloti faoliyatini amalga oshirish uchun tegishli litsenziyasiga ega bo‘lgan “CLICK” AJ To‘lov tashkilotining o‘zini o‘zi band qilgan shaxs maqomiga ega bo‘lgan, muomala layoqatiga ega jismoniy shaxslarga (keyingi o‘rinlarda – Foydalanuvchi) O‘zbekiston Respublikasi Fuqarolik kodeksining 358-moddasiga muvofiq yo’llangan ommaviy taklifi hisoblanadi.

1.2. Servis Foydalanuvchiga CLICK tizimi interfeyslarida, jumladan mobil ilovada mavjud bo‘lgan dasturiy-texnikaviy yechim hisoblanib, Foydalanuvchiga CLICK Elektron pul tizimi orqali Hamyonga o‘z xizmatlari uchun to‘lovlarni qabul qilish, Hamyon balansi haqidagi ma’lumotlarni ko‘rish, o‘z o‘zini band qilgan shaxs sifatida faoliyat yuritish natijasida olingan daromadlarni hisobga olish, Hamyondagi mablag‘larni onlayn rejimda tizimga ulangan boshqa hamyonga yoki bank kartasiga o’tkazish, shuningdek, Servis funksionalida nazarda tutilgan boshqa operatsiyalarni amalga oshirish va boshqa xizmatlarni olish imkonini beradi.

1.3. Foydalanuvchi tomonidan ushbu Kelishuvning 3- bo‘limida ko‘rsatilgan harakatlar bajarilishi Foydalanuvchining ushbu Kelishuvni so‘zsiz akseptlashini (qabul qilishini) va Foydalanuvchining Kelishuv shartlariga to‘liq roziligini va ushbu Kelishuv shartlari uning qonuniy huquqlarini buzmasligini tasdiqlaydi.

1.4. Ushbu Kelishuvni akseptlash orqali, Foydalanuvchi O‘zbekiston Respublikasining shaxsga doir ma’lumotlar to‘g‘risidagi qonun hujjatlari talablariga muvofiq, o‘z shaxsga doir ma’lumotlariga qayta ishlov berishga “CLICK” AJga muddatsiz rozilik beradi va Operatorning Internet-resursida joylashtirilgan Shaxsga doir ma’lumotlarni himoya qilish va qayta ishlov berish to’g’risidagi siyosatida ko‘rsatilgan barcha shartlarni qabul qiladi.

1.5. Taraflarning elektron hamyon va elektron pullardan foydalanish bilan bog‘liq tomonlarning o‘zaro munosabatlari www.click.uz veb-saytida joylashtirilgan “CLICK” elektron pul tizimidan foydalanish bo‘yicha Ofertaga muvofiq amalga oshiriladi.

1.6. Ushbu Kelishuvda quyidagi atamalar va ta’riflar qo‘llaniladi:
1.6.1. CLICK tizimi – «CLICK» Aksiyadorlik jamiyati yagona huquqiy egasi hisoblangan, O’zbekiston Respublikasi banklariga hisobvaraqlarni masofaviy boshqarish xizmatini taqdim qilish, Servis foydalanuvchilariga esa, shu jumladan Yetkazib beruvchilar xizmatlari uchun to’lash, boshqa Kartalarga o’tkazmalarni amalga oshirish va masofaviy onlayn rejimida har qanday vaqtda va Servisning har qanday interfeysidan Servis funksionali doirasida foydalanish mumkin bo’lgan boshqa harakatlarni amalga oshirish imkonini beradigan dasturiy mahsulot.
1.6.2. Servis - Foydalanuvchiga CLICK tizimi interfeyslarida, jumladan mobil ilovada mavjud bo‘lgan dasturiy-texnikaviy yechim hisoblanib, Foydalanuvchiga CLICK Elektron pul tizimi orqali Hamyonga o‘z xizmatlari uchun to‘lovlarni qabul qilish, Hamyon balansi haqidagi ma’lumotlarni ko‘rish, o‘z o‘zini band qilgan shaxs sifatida faoliyat yuritish natijasida olingan daromadlarni hisobga olish, Hamyondagi mablag‘larni onlayn rejimda tizimga ulangan boshqa hamyonga yoki bank kartasiga o’tkazish, shuningdek, Servis funksionalida nazarda tutilgan boshqa operatsiyalarni amalga oshirish va boshqa xizmatlarni olish imkonini beradi.FOYDALANUVCHI KELISHUVI
1.6.3. To‘lovchi – CLICK tizimi foydalanuvchisi bo‘lgan, Bankda bank depozit hisobvarag‘ini ochgan va/yoki onlayn plastik karta va elektron hamyon egasi hisonlangan, To‘lovni amalga oshirish bo‘yicha topshiriq bergan muomala layoqatiga ega jismoniy shaxs.
1.6.4. Foydalanuvchi - o‘z o‘zini band qilgan shaxs sifatida ro‘yxatdan o‘tkazish to‘g‘risidagi amaldagi guvohnomaga ega bo‘lgan muomala layoqatiga ega jismoniy shaxs, ushbu Kelishuvning Tarafi.
1.6.5. To‘lov - To‘lovchi tomonidan Foydalanuvchi foydasiga to‘lanadigan O’zbekiston Respublikasi milliy valyutasidagi pul mablag’lari va milliy valyutada nominasiya qilingan elektron pullar. To’lov uni yuboruvchini identifikasiyalash imkonini beradigan, bank To’lovchining hisobvarag’idan pul mablag’larini chegirib olish uchun asos bo’ladigan CLICK tizimi tomonidan elektron xabarnoma tuzish orqali amalga oshiriladi.
1.6.6. Merchantning shaxsiy kabineti (keyingi o‘rinlarda – Merchant kabinet) - To’lov tashkiloti tizimida Merchant rekvizitlari, aloqa bog’lash axboroti, elektron hujjat aylanishi parametrlari, statistika, hisobotlar va Shartnoma ijrosi uchun kerakli boshqa axborotni o’z ichiga oladigan server bo’limi.
1.6.7. Elektron hamyon (keyingi o‘rinlarda – Hamyon) – Elektron pul tizimi (keyingi o‘rinlarda – EPT) Foydalanuvchisining hisob yozuvi bo‘lib, quyidagilarni ta’minlaydi:

• (a) elektron hamyon balansiga kiritilgan pul mablag‘lari haqida ma’lumotlarni saqlash;

• (b) EPT Foydalanuvchisining ushbu hisob yozuviga kirishini ta’minlash;

• (c) EPT Foydalanuvchisiga To‘lovlar/Pul o‘tkazmalarini amalga oshirish maqsadida EPTdan foydalanish imkoniyatini ta’minlash.

1.6.8. Identifikatsiya (jumladan mijozni soddalashtirilgan identifikatsiya qilish) - foydalanuvchi tomonidan, jumladan elektron shaklda, O‘zbekiston Respublikasi qonunchiligi, Operatorning ichki tartiblari va ushbu Kelishuvning talablariga muvofiq taqdim etilgan identifikatsiya ma’lumotlaridan foydalanib mijozlar to‘g‘risidagi ma’lumotlarning aniqlash (qayd etish) va haqqoniyligini tasdiqlash bo‘yicha chora- tadbirlar majmui;
1.6.9. QR - maxsus kodni skanerlash orqali naqd pulsiz to‘lovlarni amalga oshirish imkonini beruvchi to‘lov vositasi.
1.6.10. Xizmatlar - tegishli shartnoma asosida Foydalanuvchi tomonidan o‘z abonenti/mijozi/xaridoriga sotiladigan, ko‘rsatiladigan, bajariladigan tovarlar, xizmatlar, ishlar.

2. SHARTNOMA PREDMETI
2.1. Operator Foydalanuvchiga ushbu Kelishuvga muvofiq ochiq litsenziya shartlarida Servisdan foydalanish huquqini beradi.
2.2. Ushbu Kelishuv Ilova yoki uning komponentalariga mulkiy huquqlarni berishni nazarda tutmaydi, lekin Servisdan foydalanish uchun cheklangan huquqni beradi.
2.3. Operator Servis shartlarini oldindan ogohlantirmasdan yangilash va o‘zgartirish huquqini o‘zida saqlab qoladi. Amaldagi xizmatni kengaytirish yoki yaxshilashni o‘z ichiga olgan har qanday yangi funksiyalar, shu jumladan yangi vositalar va resurslarni chiqarish, ushbu Kelishuv predmetiga aylanadi. Har qanday o‘zgarishlardan so‘ng Servisdan foydalanishni davom ettirish Foydalanuvchining kiritilgan o‘zgarishlarga roziligini bildiradi.FOYDALANUVCHI KELISHUVI

3. SERVISDA RO‘YXATDAN O‘TISH
3.1. Ro‘yxatdan o‘tish va Servisga kirish imkoniyatini olish uchun Foydalanuvchi quyidagi talablarga javob berishi kerak:
3.1.1. CLICK tizimining identifikatsiyalangan foydalanuvchisi bo‘lishi;
3.1.2. O‘zbekiston Respublikasi Prezidentining 2020-yil 8-iyundagi PQ-4742-son Qaroriga ilovada ko‘rsatilgan faoliyat turlarini amalga oshirish;
3.1.3. Elektron hamyon ochish;
3.2. Ro‘yxatdan o‘tish Operator mobil ilovasining Click Business bo‘limida amalga oshirilishi mumkin.
3.3. Servisga ulanishni istagida bo’lgan CLICK tizimining identifikatsiyalanmagan foydalanuvchisi avval identifikatsiya jarayonidan o‘tishi lozim.
3.4. Servisda ro‘yxatdan o‘tish jarayonida CLICK tizimi Foydalanuvchisi o‘z o‘zini band qilgan shaxs sifatida faoliyat yuritish natijasida olingan To‘lovlarni qabul qilish va qayd etib borish uchun yangi elektron hamyon ochishi lozim.
3.5. Ushbu Kelishuvning 3.1-bandi talablariga javob beradigan foydalanuvchi ushbu Kelishuv shartlari bilan tanishishi va uni akseptlashi yoki rad etishi lozim.
3.6. Operator tomonidan tekshirish muvaffaqiyatli o‘tgandan va ushbu Kelishuvning 3.2, 3.3.,
3.4, 3.5-bandlarida ko‘rsatilgan harakatlar bajarilgandan so’ng har bir Foydalanuvchi uchun Servisda Merchant kabinet yaratiladi.
3.7. Ro‘yxatdan o‘tish tugagandan so‘ng, Foydalanuvchi Servis doirasida ushbu Kelishuvning
1.6.9-bandida ko‘rsatilgan QR -dan foydalangan holda to‘lovchilardan o‘zining elektron hamyoniga to‘lovlarni qabul qilishi mumkin.

4. FOYDALANUVCHINING HUQUQ VA MAJBURIYATLARI

4.1. Servis orqali Foydalanuvchi quyidagi operatsiyalarni bajarish huquqiga ega:

4.1.1. ushbu Kelishuvning 1.6.9-bandida ko‘rsatilgan to‘lov vositasidan foydalangan

holda jismoniy shaxslardan o‘z xizmatlari uchun Hamyonga to‘lovlarni qabul qilish;

4.1.2. Hamyon balansini kuzatib borish;

4.1.3. To‘lovchining mobil telefon raqamiga to‘lov uchun hisob-faktura taqdim etish;

4.1.4. CLICK tizimiga ulangan hamyon yoki bank kartasiga pul mablag‘larini o’tkazish;

4.1.5. to‘lovlar tarixini ko‘rish;

4.1.6. Merchant kabinetda to‘lovlarni qayd etib borish;

4.1.7. to‘lovni to‘liq miqdorda qaytarish.

4.2. Foydalanuvchi quyidagilarni kafolatlaydi:

4.2.1. u ushbu Kelishuv shartlari, shuningdek, Servisning funksional xususiyatlari va

maqsadi bilan tanishganligi;

4.2.2. o‘z o‘zini band qilgan shaxs sifatida ro‘yxatdan o‘tkazish to‘g‘risidagi amaldagi

guvohnomaga ega ekanligi;

4.2.3. Ro‘yxatdan o‘tish paytida va keyinchalik Shaxsiy kabinetda ko‘rsatilgan

ma’lumotlar to’g’ri ekanligi;

4.3. Foydalanuvchi ushbu Kelishuv shartlariga tegishlicha rioya qilish, qayd yozuvi va

Merchant kabinetda saqlanayotgan ma’lumotlarning oshkor etilmasligini (maxfiyligini)

mustaqil ravishda ta’minlash majburiyatini oladi va ularning har qanday tarzda oshkor

etilganligi, jumladan, shunga bog‘liq yuzaga keladigan barcha xavf va yo‘qotishlar uchun

javobgarlikni zimmasiga oladi.

4.4. Foydalanuvchi o‘z qayd yozuvi bo‘yicha amalga oshirilgan barcha harakatlar uchun,

shuningdek, Operatorning Mobil ilovasi qo‘llaniladigan o‘zining Mobil qurilmasidan

amalga oshirilgan barcha harakatlar uchun javobgardir. Tekshiruvni amalga oshirishFOYDALANUVCHI KELISHUVI

uchun qayd yozuvi huquq egasi tomonidan texnik bloklanishi mumkin.

4.5. Foydalanuvchi Servisdan o‘z o‘zini band qilgan shaxs sifatida faoliyat yuritish bilan

bog‘liq maqsadlardan tashqari boshqa maqsadlarda foydalanmaslik majburiyatini oladi.

4.6. Servisdan foydalanganda Foydalanuvchi uchinchi shaxslarni yanglishtirmaslik

majburiyatini oladi.

4.7. Ilova foydalanuvchisi huquq egasining yozma ruxsatisiz o‘zgartirishlar kiritish, nashr

etish, uchinchi shaxslarga topshirish, sotish yoki topshirishda ishtirok etish, hosila

mahsulotlarini yaratish yoki Servis mazmunining bir qismini yoki barchasidan

boshqacha tarzda foydalanishga haqli emas.

4.8. Foydalanuvchi o‘z o‘zini band qilпфт shaxs sifatida o‘z faoliyatini to‘xtatib qo‘ygan yoki

tugatgan taqdirda, u darhol Operatorni xabardor qilish va ushbu Kelishuvga muvofiq

Servisdan foydalanishni to‘xtatib turish/to‘xtatish majburiyatini oladi.

5. OPERATORNING HUQUQ VA MAJBURIYATLARI

5.1. Operator Servisning xatosiz va uzluksiz ishlashini ta’minlash bo‘yicha hech qanday

kafolat bermaydi.

5.2. Operator Foydalanuvchiga Ilovaning ishlashi bilan bog‘liq har qanday o‘zgarishlar

to‘g‘risida istalgan usulda, shu jumladan Ilova ichida xabarlarni joylashtirish orqali

xabardor qilish huquqiga ega.

5.3. Operator har qanday telefon tarmoqlari yoki xizmatlari, kompyuter tizimlari, serverlar

yoki provayderlar, kompyuter yoki telefon uskunalari, dasturiy ta’minot, texnik

sabablarga ko‘ra elektron pochta xizmatlari yoki skriptlarning nosozliklari natijasida

Tizimda kelib chiqgan texnik nosozliklar yoki boshqa muammolar uchun javobgar

bo‘lmaydi.

5.4. Operator har qanday bevosita, bilvosita, tasodifiy yo‘qotishlar yoki jarimalar, jumladan,

foyda, ishbilarmonlik obro‘si yo‘qotilganidan, ruxsatsiz kirish, ma’lumotlarning

yo‘qolishi yoki quyidagilarning natijasi bo‘lgan boshqa ko‘rilgan ziyonlar uchun javobgar

bo‘lmaydi:

5.4.1. Servisdan foydalanish yoki foydalana olmaslik yoki Servisdan nomaqbul tarzda

foydalanish;

5.4.2. foydalanuvchi qayd yozuviga ruxsatsiz kirish yoki yoki ularni o‘zgartirish;

5.5. Operatorning ushbu Kelishuv doirasidagi majburiyatlari Foydalanuvchiga Servisga

kirishni ta’minlash bilan cheklanadi. Operator Foydalanuvchi va uchinchi shaxs o‘rtasida

tuzilgan bitimning tarafi hisoblanmaydi, shuning uchun Operator:

i) Foydalanuvchi tomonidan tuzilgan bitimning O‘zbekiston Respublikasi qonunchiligi

talablariga muvofiqligini nazorat qilmaydi, uning shartlarini, shuningdek uni tuzish,

bajarish va tugatish fakti va oqibatlarini tekshirmaydi;

ii) foydalanuvchi tomonidan bitim bo‘yicha majburiyatlar bajarilmaganligi (tegishlicha

bajarilmaganligi) to‘g‘risidagi uchinchi shaxslarning da’volarini ko‘rib chiqmaydi.

5.6. Operator Kelishuv bo’yicha majburiyatlar qisman yoki to’liq bajarilmaganligi Taraf

oldindan bilishi ham, oqilona choralar bilan bartaraf etishi ham mumkin bo’lmagan

favqulodda xususiyatli vaziyatlar natijasida yuzaga kelgan yengib bo’lmas kuch (fors-

major) vaziyatlari oqibati hisoblangan holatda, majburiyatlarning bunday

bajarilmaganligi uchun javobgar bo’lmaydi. Bunday favqulodda xususiyatli vaziyatlar

quyidagilardan iborat: tabiiy ofatlar, avariyalar, toshqinlar, zilzila, epidemiyalar,

yong’inlar, ommaviy tartibsizliklar, ish tashlashlar, inqiloblar, urush harakatlari, mazkur

Shartnomada belgilangan faoliyat turlarini bevosita yoki bilvosita taqiqlaydigan qonun

hujjatlari, hukumat qarorlari va davlat organlari farmoyishlarining kuchga kirishi; hisob-

kitoblar tizimi ishidagi to’xtalishlar / buzilishlar bilan bog’liq vaziyatlar, tizim

ta’minotini amalga oshiradigan mahalliy yoki server uskunalari nazoratini qo’lga olishgaFOYDALANUVCHI KELISHUVI

qaratilgan harakatlar, tizimga xizmat ko’rsatadigan kompyuter tarmog’ida xizmat

ko’rsatish rad qilinishi, tizimni ta’minlaydigan kompyuter tarmog’idagi nobarqarorlik,

tizimga xakerlik hujumlari, zararli dasturiy ta’minot joriy qilinishi, dasturiy ta’minot

buzilishi, ddos-hujumlar (uchinchi shaxslar tomonidan tizim orqali to’lovlarni amalga

oshirishga qaratilgan qasddan harakatlar), shuningdek Shartnoma bo’yicha

majburiyatlar ijrosiga to’sqinlik qiluvchi, Taraflarning oqilona nazoratidan tashqaridagi

har qanday boshqa vaziyatlar

5.7. Operator Foydalanuvchining ushbu Kelishuv bilan tanishib chiqqanlik fakti bo‘yicha

javobgar bo‘lmaydi.

6. SERVISGA KIRISHNI CHEKLASH

6.1. Foydalanuvchi tomonidan ushbu Kelishuv shartlarini va/yoki O‘zbekiston Respublikasi

qonunchiligini buzilgan takdirda, Operator Foydalanuvchiga qoidabuzarlikni bartaraf

etish uchun talab yuboradi. Shu bilan bir paytda, Operator Servisning barcha

funksiyalariga yoki alohida funksiyalariga kirishni bloklash huquqiga ega.

6.2. Uchinchi shaxslardan da’volar, davlat organlaridan talablar kelib tushgan taqdirda,

Operator bunday da’vo yoki talab bilan bog‘liq masala hal etilmaguncha Servisdan

foydalanishni cheklash huquqiga ega.

7. MAXFIYLIK TO‘G‘RISIDA SHARTLAR

7.1. Taraflar Kelishuvni bajarish jarayonida olingan, har bir Taraf uchun maxfiy bo‘lgan

ma’lumotlarni oshkor qilmaslik majburiyatini oladilar. Kelishuvda maxfiy ma’lumotlar

deganda oshkor etilishi yo‘qotishlarga olib kelishi va/yoki har bir Tarafning

ishbilarmonlik obro‘siga ta’sir qilishi mumkin bo‘lgan, ommaga ochiq bo‘lmagan

ma’lumotlar tushuniladi, xususan:

7.1.1. to‘lovchilar, operatsiyalar hajmi to‘g‘risidagi ma’lumotlar;

7.1.2. axborot va texnologik hamkorlikning o‘ziga xos xususiyatlari to‘g‘risidagi

ma’lumotlar;

7.1.3. Servis haqida texnik axborot;

7.1.4. tijorat va bank sirini tashkil etuvchi axborot;

7.2. Taraflar ushbu Kelishuvning 7.1-bandida ko‘rsatilgan ma’lumotlarni uchinchi shaxslarga

oshkor qilmaslik majburiyatini oladilar, har bir Taraf nomidan Kelishuv bo‘yicha

majburiyatlarni bajarish munosabati bilan axborotni olish va uzatishga vakolatlangan

Taraflarning mas’ul shaxslari bundan mustasno.

7.3. Ushbu Kelishuvning 7.1-bandida ko‘rsatilgan axborot uchinchi shaxslarga faqat

O‘zbekiston Respublikasining amaldagi qonunchiligida belgilangan tartibda berilishi

mumkin.

8. BOSHQA SHARTLAR

8.1. Ushbu Kelishuv rus tilida tuzilgan, cheklanmagan muddatga amal qiladi va

Foydalanuvchi uchun ushbu Kelishuvni akseptlagan paytdan boshlab kuchga kiradi.

8.2. Ushbu Kelishuv Operator tomonidan o‘z xohishiga ko‘ra o‘zgartirilishi va/yoki

to‘ldirilishi mumkin. Bunda barcha o‘zgartirishlar va/yoki qo‘shimchalar Operator

tomonidan Mobil ilovaning tegishli bo‘limiga joylashtiriladi va shunday joylashtirilgan

kundan boshlab kuchga kiradi. Foydalanuvchi ushbu Kelishuvning joriy versiyasi bilan

mustaqil ravishda va o‘z vaqtida tanishib chiqish majburiyatini oladi.

8.3. Ushbu Kelishuvni bajarish bilan bog‘liq har qanday nizo yoki kelishmovchiliklar yuzaga

kelgan taqdirda, Foydalanuvchi va Operator ularni o‘zaro muzokaralar yo‘li bilan halFOYDALANUVCHI KELISHUVI

qilish uchun barcha choralarni amalga oshiradilar. Nizolar muzokaralar yo‘li bilan hal

etilmasa, O‘zbekiston Respublikasining amaldagi qonunchiligida belgilangan tartibda

sud tartibida hal etiladi.