Ommaviy oferta

“CLICK” сервисини тақдим қилиш бўйича шартнома тузишга

ОММАВИЙ ОФЕРТА

 

Мазкур Оферта “CLICK” МЧЖ (бундан буён матнда “Сервис оператори” ёки “Оператор” деб юритилади) томонидан CLICK савдо белгиси остида масофадан туриб банк Сервис хизматларини тақдим қилиш (бундан буён матнда “CLICK Сервиси” ёки “Сервис” деб юритилади) бўйича хизматлар кўрсатиш тўғрисида Шартнома тузиш юзасидан жисмоний шахсларга йўлланган расмий оммавий таклиф ҳисобланади.

Мазкур Офертада қайд этилган ҳаракатларни амалга ошириш жисмоний шахснинг мазкур Офертада белгиланган шартларда, тартибда ва ҳажмда хизматлар кўрсатиш тўғрисида Шартнома (бундан буён матнда “Шартнома” деб юритилади) тузишга розилигининг сўзсиз ва муқаррар тасдиғи (акцепти) ҳисобланади.

 

1. АТАМАЛАР ВА ТАВСИФЛАР

1.1. CLICK Сервиси / Сервис – ЎзР банкларига ҳисобварақни масофадан туриб бошқариш хизматини, Сервис фойдаланувчиларига эса, шу жумладан, Таъминотчиларнинг Хизматлари учун ҳақ тўлаш, бошқа Карталарга Ўтказмаларни амалга ошириш ҳамда исталган вақтда ва Сервиснинг исталган интерфейси орқали масофадан туриб онлайн режимида Сервиснинг фойдаланиш мумкин бўлган функционали доирасида бошқа ҳаракатларни амалга ошириш имконини берадиган “CLICK” МЧЖ алоҳида эгалик ҳуқуқидаги дастурий маҳсулот. Сервис интерфейслари қуйидагиларни ўз ичига олади:

a) Мобил интерфейс (https://m.click.uz);

b) Веб-интерфейс (https://my.click.uz);

c) IOS ва Android операцион тизимлари учун фойдаланиш мумкин бўлган CLICK Evolution мобил иловаси;

d) USSD/SMS-порталлари;

e) Telegram-бот (@clickuz);

f) CLICK Сервисининг функционали доирасида фойдаланиш мумкин бўлган бошқа интерфейслар.

1.2. Сервис фойдаланувчиси / Фойдаланувчи – бир вақтда ЎзР банк(лар)и мижози ҳисобланган (банк билан тегишли шартнома асосида карта эгаси бўлган ёки мазкур Шартнома асосида CLICK Сервисига уланган жисмоний шахс), мазкур Оферта шартларини акцептлаш орқали Шартнома тузишга йўналтирилган ҳаракатларни амалга оширган юридик салоҳиятли жисмоний шахс.

1.3. Сервис оператори / Оператор – Фойдаланувчи томонидан ЎзР қонун ҳужжатлари билан тақиқланмаган Тўловлар/Ўтказмалар ва Сервисдан фойдаланилган ҳолда бошқа операциялар амалга оширилишида техник ва ахборот ҳамкорлигини таъминлайдиган техник-дастурий ва ташкилий-ҳуқуқий воситалар мажмуига эга бўлган “CLICK” МЧЖ.

1.4. Таъминотчи – тегишли банк билан шартнома тузган, аҳолига турли хил хизматларни тақдим қиладиган ҳамда жисмоний шахслардан, шу жумладан Сервис фойдаланувчиларидан сотиладиган товарлар ва кўрсатиладиган хизматлар учун пул маблағларини оладиган юридик шахс ёки юридик шахс филиали ёхуд якка тартибдаги тадбиркорлар.

1.5. Тўлов картаси / Карта – карта эгаси томонидан унинг ҳисобварағидаги пул маблағлари билан операцияларни амалга ошириш учун мўлжалланган электрон тўлов воситаси бўлган нақд пулсиз ҳисоб-китоблар воситаси.

1.6. Хизматлар – Таъминотчи томонидан унинг абонентига / мижозига / харидорга тегишли шартнома асосида реализация қилинадиган товарлар, бажариладиган ишлар, кўрсатиладиган хизматлар.

1.7. Тўлов – Сервис фойдаланувчиси томонидан Таъминотчи олдидаги пул мажбуриятларини бажариш, шу жумладан Таъминотчи Хизматлари учун олдиндан тўловни амалга ошириш мақсадларида Таъминотчи фойдасига тўланадиган нақд пулсиз маблағлар.

1.8. Ўтказма – Сервис фойдаланувчиси топшириғи асосида бир Карта ҳисобварағидан бошқа Карта ҳисобварағига ўтказиладиган нақд пулсиз маблағлар.

1.9. CLICK ПИН – CLICK Сервисида Фойдаланувчи томонидан тузиладиган ва ишлатиладиган, Сервис интерфейсларига кириш имкониятига эга бўлиш (авторизация) ва/ёки Сервис доирасида операциялар амалга оширилишини тасдиқлаш учун керакли шахсий идентификациялаш коди (пароли).

1.10. Карта эгаси – ЎзР банк(лар)и мижози бўлиб, унинг номига Карта чиқарилган жисмоний шахс, ёки ЎзР банки билан шартнома асосида ушбу Картадан фойдаланишга мижоз томонидан ваколат берилган шахс.

1.11. “Тўловлар мониторинги” хизмати – Фойдаланувчи Тўлов картаси орқали амалга оширилган барча транзакциялар тўғрисида маълумотлар олиши, кирим/чиқим статистикасини кўриб чиқиши, шунингдек CLICK Сервиси функционали томонидан назарда тутилган бошқа ҳаракатларни амалга ошириши мумкин бўлган Операторнинг ахборот-технологик ечимлар мажмуи.

1.12. “Электрон квитанция” хизмати – Операторнинг ахборот-технологик қарорлари мажмуи бўлиб, бу Фойдаланувчига мазкур Шартноманинг 5-2-бўлимига мувофиқ ушбу Хизмат доирасида фойдаланиш мумкин бўлган Тўловларнинг Таъминотчилар фойдасига амалга оширилганлигини тасдиқловчи квитанцияларнинг қоғоз версияси етказиб берилишини “буюртма қилиш” имконини беради.

1.13. “SMS-хабарнома” хизмати – Карта эгаларига Карта орқали амалга оширилган операциялар, шу жумладан CLICK Сервиси орқали амалга оширилган операциялар тўғрисида ўз мобил телефон рақамларига SMS-хабарлар олиш имконини берадиган Ягона Умумреспублика Процессинг Марказининг (ЯУПМ) хизмати. Ушбу хизмат Ягона Умумреспублика Процессинг Марказининг тегишли офертасида белгиланган шартларда ва тартибда ихтисослаштирилган ахборот киоскалари (банк терминаллри) орқали Карта эгасининг мобил телефон рақамларига Карта бириктириш (Карта тўғрисидаги маълумотларни киритиш) орқали уланади.

 

2. ШАРТНОМА ПРЕДМЕТИ

2.1. Мазкур Шартнома бўйича Сервис оператори Фойдаланувчиларга Таъминотчилар Хизматлари учун Тўловларни онлайн режимида амалга ошириш, ўз Карталарини бошқариш, онлайн режимида бир Картадан бошқасига пул маблағлари Ўтказмаларини амалга ошириш, шунингдек Сервис функционали томонидан назарда тутилган бошқа операцияларни амалга ошириш ва бошқа хизматларни олиш имконини берадиган CLICK Сервисидан фойдаланиш имкониятини тақдим қилади.

2.2. Фойдаланувчилар учун CLICK Сервисидан фойдаланиш бепул.

2.3. Бунда Сервис Оператори Фойдаланувчи томонидан Тўловлар/Ўтказмалар ва ЎзР қонун ҳужжатлари билан тақиқланмаган Сервиси функционали томонидан назарда тутилган бошқа операциялар амалга оширилишида фақат техник ва ахборот ҳамкорликни таъминлайди ҳамда тегишли пул маблағларини Таъминотчилар фойдасига ёки бир Картадан бошқасига киритиш ва чегириб олиш учун жавобгар эмас.

Ушбу ҳолатда мазкур банкнинг тегишли офертаси/шартномасида белгиланган шартларга ва тартибга мувофиқ Фойдаланувчи Картасини чиқарган банк жавобгар бўлади.

2.4. CLICK Сервиси Фойдаланувчиларга пуллик асосда тақдим қилиниши мумкин бўлган айрим хизматларни ўз ичига олиши мумкин. Бундай хизматлар учун тегишли ҳақ олиш шартлари ва тартиби мазкур Шартноманинг 4, 5 ва 6-бўлимларида белгиланган.

 

3. ШАРТНОМА ТУЗИШ (ОФЕРТА АКЦЕПТИ) ВА СЕРВИСНИ ТАҚДИМ ҚИЛИШ ТАРТИБИ

3.1. Сервисга уланиш ва ундан келгуси фойдаланиш учун Карта эгаси ўз мобил телефони орқали ёки CLICK Сервиси интерфейсларидан ўзгача фойдаланилган ҳолда (USSD менюсини чақириш, иловаларни юклаб олиш ва ўрнатиш, веб-интерфейс орқали, Telegram ботдан фойдаланган ҳолда ёки Сервис функционалида фойдаланиш мумкин бўлган бошқа усуллар ёрдамида), тегишли Интерфейс йўриқномаларига амал қилинган ҳолда (а) Сервисга уланиши керак бўлган ўз мобил телефони рақамларини бириктиради (киритади), (b) CLICK-ПИН киритади (тузади), (c) Картани бириктиради (маълумотларини киритади) ва (d) мазкур Оферта шартларига розилик беради. Картанинг “SMS-хабарнома” Хизматига уланиши ушбу Картани CLICK Сервисига “бириктиришнинг” мажбурий шарти ҳисобланади.

Бунда мазкур банд талабларидан исталган бири бажарилмаган ҳолатда Оператор Фойдаланувчининг Сервисга уланишини рад қилишга ҳақлидир.

3.2. Мазкур Офертанинг 3.1-банди билан назарда тутилган ҳаракатларнинг амалга оширилиши Карта эгасининг мазкур Офертада белгиланган шартларда, тартибда ва ҳажмда хизматлар кўрсатиш тўғрисида Шартнома тузишга розилигининг сўзсиз ва муқаррар тасдиғи (акцепти) ҳисобланади. Ушбу пайтдан эътиборан Карта эгаси Сервис Фойдаланувчиси мақомига эга бўлади.

3.3. Шартнома тузилган пайтдан эътиборан Сервис Фойдаланувчисида юзага келадиган ҳуқуқлар ва талаблар Сервис Фойдаланувчиси томонидан учинчи шахсларга берилиши мумкин эмас.

3.4. Сервисдан фойдаланиш Фойдаланувчиси томонидан (а) Таъминотчилар Хизматлари учун Тўловларни ва (б) бошқа Карталарга Ўтказмаларни ҳамда (с) Сервис функционали томонидан назарда тутилган бошқа ҳаракатларни бажариш орқали амалга оширилади.

3.5. Фойдаланувчининг Тўловлар/Ўтказмаларни амалга ошириш тўғрисидаги топшириғи унинг хоҳиш-истаги ҳисобланади ва Фойдаланувчи бундай топшириқномада қайд этилган ахборотнинг тўғрилиги учун мустақил равишда тўлиқ жавобгар бўлади. Бундай топшириқнома Сервис Фойдаланувчиси томонидан расмийлаштирилади ва тегишли Сервис Интерфейси орқали Операторнинг техник-дастурий воситаларидан фойдаланилган ҳолда юборилади.

3.6. Фойдаланувчи томонидан Тўлов/Ўтказма амалга оширилишида, Фойдаланувчи томонидан мазкур Шартноманинг 3.7-бандига мувофиқ Карта балансидан пул маблағлари чегириб олинганлиги тўғрисида ахборот олинган пайтдан эътиборан Операторнинг Фойдаланувчи олдидаги мажбуриятлари тўлиқ ҳажмда бажарилган ҳисобланади.

3.7. Тўлов/Ўтказма муваффақиятли амалга оширилганидан сўнг Фойдаланувчига Тўлов/Ўтказма муваффақиятли амалга оширилганлиги тўғрисида тегишли хабарнома юборилади, у Фойдаланувчининг тегишли Интерфейсида акс эттирилади ёки унга Тўлов/Ўтказма ҳақидаги ахборот кўрсатилган ҳолда SMS-хабар орқали юборилади, у қуйидагиларни ўз ичига олади:

a) Тўлов/Ўтказма суммаси;

b) транзакциянинг идентификация рақамлари;

c) транзакция санаси ва вақти;

d) Тўлов/Ўтказма тафсилотлари (амалга оширилган тўловлар, хизматлар/товарлар белгиланган вазифаси ёки Ўтказмани амалга оширишда олувчи Мижознинг реквизитлари).

3.8. CLICK Сервисидан фойдаланиш доирасида SMS-хабарлар олиниши ёки юборилиши билан боғлиқ хизматлар Фойдаланувчи томонидан тўланади ҳамда уяли алоқа Оператори ва Фойдаланувчи ўртасида тузилган абонентлик шартномасида кўрсатилган тарифларга асосан тегишли уяли алоқа Оператори томонидан Фойдаланувчининг абонентлик ҳисобварағидан чегириб қолинади.

Бунда Сервисга уланган мобил телефоннинг абонентлик рақами балансида маблағлар етарлича бўлмаган ҳолатда SMS-хабарлар етказиб берилмайди.

 

4. СЕРВИС ДОИРАСИДА ТАЪМИНОТЧИНИНГ ПУЛЛИК ХИЗМАТЛАРИНИ ТАҚДИМ ҚИЛИШ ХУСУСИЯТЛАРИ

4.1. Фойдаланувчига Таъминотчилар Хизматлари учун тегишли ҳақ назарда тутилган Тўловларни амалга ошириш имконияти тақдим қилинганида, бундай ҳақ тегишли Интерфейсда белгиланган миқдорларда Таъминотчи фойдасига Тўлов учун тўланадиган суммадан ташқари ушлаб қолинади.

4.2. Таъминотчи Хизматлари учун тегишли ҳақ назарда тутилган Тўлов амалга оширилаётганда Сервис доирасида фойдаланиш имкони бўлган интерфейсларнинг исталган бири орқали тасдиқланиши Ўзбекистон Республикаси Фуқаролик кодексининг 370-моддасига мувофиқ мазкур Шартнома шартларининг Фойдаланувчи томонидан тўлиқ ва сўзсиз қабул қилинганлиги ҳисобланади.

4.3. Фойдаланувчи Картасида ҳақ ҳисобга олинган ҳолда Тўловни амалга ошириш учун маблағлар етарлича бўлмаган ҳолатда, ушбу Тўлов амалга оширилмайди.

4.4. Таъминотчи тегишлича кўрсатилмаган Хизматлари учун Тўлов қайтарилиши имкониятини назарда тутадиган ҳолатларда ёки Таъминотчи томонидан назарда тутилган бошқа ҳолатларда, 4.1-бандга асосан ҳақ сифатида ушлаб қолинган пул маблағлари суммаси қайтарилмайди.

 

5. СЕРВИС ДОИРАСИДА ОПЕРАТОРНИНГ ПУЛЛИК ХИЗМАТЛАРИНИ ТАҚДИМ ҚИЛИШ ХУСУСИЯТЛАРИ

5.1. Фойдаланувчига тегишли ҳақ назарда тутилган Сервис Оператори хизматлари тақдим қилинганда, бундай ҳақ Фойдаланувчидан қуйидаги тартибда олиниши мумкин:

a) Тегишли Интерфейсда белгиланган миқдорларда Тўлов учун тўланадиган суммадан ташқари Сервис Оператори фойдасига ушлаб қолинадиган ҳақ шаклида.

b) Мазкур Офертада белгиланган миқдорларда, тартибда ва шартларда бундай хизматга уланган Картадан маблағларни акцептсиз чегириб олиш шаклида.

5.2. Сервис Операторининг бундай хизматлари учун Тўлов амалга оширилганлигининг Сервис доирасида фойдаланиш имкони бўлган интерфейсларнинг исталган бири ёки Сервис функционали доирасида фойдаланиш мумкин бўлган бошқа интерфейслар орқали тасдиқланиши, тегишли ҳақ олинадиган бундай хизматлар фаоллаштирилганлиги тасдиқланиши Ўзбекистон Республикаси Фуқаролик кодексининг 370-моддасига мувофиқ мазкур Шартнома шартларининг Фойдаланувчи томонидан тўлиқ ва сўзсиз қабул қилинганлиги ҳисобланади.

5.3. Фойдаланувчи Картасида мазкур Шартноманинг 5.1.(а)-бандида кўрсатилган ҳақ ҳисобга олинган ҳолда Тўловни амалга ошириш учун маблағлар етарлича бўлмаган ҳолатда, ушбу Тўлов амалга оширилмайди, хизмат эса тақдим қилинмайди.

5.4. Фойдаланувчи Картасида мазкур Шартноманинг 5.1.(b)-бандига мувофиқ маблағларнинг акцептсиз чегириб олинишини амалга ошириш учун маблағлар етарлича бўлмаган ҳолатда, бундай хизматнинг тегишли офертасида белгиланган тартибда ва шартларда Фойдаланувчи учун хизматдан фойдаланиш имконияти тўхтатилади.

 

5-1. “ТЎЛОВЛАР МОНИТОРИНГИ” ХИЗМАТЛАРИНИ ТАҚДИМ ҚИЛИШ ХУСУСИЯТЛАРИ

5-1.1. Оператор Сервис Фойдаланувчиларига “Тўловлар мониторинги” Хизматидан фойдаланиш имкониятини тақдим қилади, ушбу хизмат ёрдамида Фойдаланувчи Хизматга уланган Карта орқали амалга оширилган барча транзакциялар тўғрисида маълумотлар олиши ва кирим/чиқим статистикасини кўриб чиқиши, шунингдек “Тўловлар мониторинги” Хизмати функционали томонидан назарда тутилган бошқа ҳаракатларни амалга ошириши мумкин.

5-1.2. “Тўловлар мониторинги” Хизмати CLICK Сервиси интерфейслари доирасида амал қилади ва фақат Сервис Фойдаланувчилари фойдаланиши мумкин.

5-1.3. “Тўловлар мониторинги” Хизмати шартларига розилик бериш, тегишли равишда, мазкур Оферта шартларини қабул қилиш, Фойдаланувчи томонидан мазкур Хизматнинг веб-интерфейс ёхуд CLICK Сервисининг Телеграм-боти ёрдамида фаоллаштирилиши орқали амалга оширилади. Бунда мазкур хизмат бугунги кунда ушбу бандда қайд этилган интерфейслар доирасидагина мавжуд.

5-1.4. CLICK Сервисига Фойдаланувчининг бошқа карталари уланган ҳолатда, “Тўловлар мониторинги” Хизмати фақат Фойдаланувчи томонидан фаоллаштирилган Карта бўйича тақдим қилинади. CLICK Сервисига уланган бошқа Карталар учун ушбу Хизматни фаоллаштириш учун Фойдаланувчи тегишли CLICK Сервиси интерфейси бўлимида ушбу ҳолатни кўрсатиши керак.

5-1.5. “Тўловлар мониторинги” Хизмат ҳақи Фойдаланувчилар учун ушбу Хизматга уланган ҳар бир Карта бўйича ойига 1000 (бир минг) сўм миқдорида белгиланади.

5-1.6. Маблағларни чегириб олиш “Тўловлар мониторинги” Хизматига уланган Фойдаланувчи картасидан автоматик тартибда амалга оширилади. Келгусида чегириб олиш ҳар календарь ойининг 1 (биринчи) кунида олдиндан тўлов режимида амалга оширилади. Ушбу Хизматдан фойдаланилганлик учун ҳақ, “Тўловлар мониторинги” Хизмати ойнинг қайси кунида фаоллаштирилганлигидан қатъи назар, биринчи календарь ойида  тўлиқ ҳажмда олинади. Бунда “Тўловлар мониторинги” Хизмати фақат мазкур Хизматга уланган Карта ёрдамида “Тўловлар мониторинги” Хизматини фаоллаштириш амалга оширилган кундан олдинги кунгача ушбу Картанинг бутун амал қилиш даври мобайнидаги барча транзакциялар тўғрисида маълумотлар олиш имкониятини тақдим қилади.

5-1.7. Чегириб олиш бевосита “Тўловлар мониторинги” Хизматига уланган Фойдаланувчи картасидан амалга оширилади.

5-1.8. Маблағларни чегириб олиш “Тўловлар мониторинги” Хизматига уланган Фойдаланувчи картасида чегириб олиш учун маблағлар етарли бўлган ҳолатдагина амалга оширилади.

Агар ушбу Картада маблағлар етарли бўлмаса, “Тўловлар мониторинги” Хизмати узиб қўйилади.

“Тўловлар мониторинги” Хизмати мазкур Шартноманинг 5-1.3-бандида кўрсатилган тартибда тикланади. Бунда ҳақнинг ушлаб қолиниши жорий давр мобайнида (Фойдаланувчи учун “Тўловлар мониторинги” Хизмати фаоллаштирилган пайтдан) амалга оширилади ва Хизматлар тўлови учун керакли маблағлар йўқлиги сабабли ушбу Хизматлар вақтинча тўхтатиб қўйилган даврни ўз ичига олмайди.

5-1.9. Фойдаланувчи тегишли CLICK Сервиси интерфейсида “Тўловлар мониторинги” Хизматини узиб қўйиш орқали исталган пайтда ушбу Хизматни  рад қилишга ҳақли. Бунда Фойдаланувчи Картасидан жорий давр учун олдиндан тўлов сифатида олинган сумма қайтарилмайди.

5-1.10. Картада маблағлар йўқлиги (етарли эмаслиги) сабабли Сервисдан узиб қўйилиши мазкур Шартноманинг 5-1.8-бандига мувофиқ “Тўловлар мониторинги” Хизмати рад қилиниши англатади.

5-1.11. Фойдаланувчи томонидан CLICK Сервисидан узиб қўйилган ҳолатда, “Тўловлар мониторинги” Хизмати автоматик равишда узиб қўйилмайди. “Тўловлар мониторинги” Хизматининг узиб қўйилиши фақат мазкур Шартноманинг 5-1.9-бандига мувофиқ амалга оширилади.

 

5-2. “ЭЛЕКТРОН КВИТАНЦИЯ” ХИЗМАТЛАРИНИ ТАҚДИМ ҚИЛИШ ХУСУСИЯТЛАРИ

5-2.1. Оператор Сервис Фойдаланувчиларига “Электрон квитанция” Хизматидан фойдаланиш имкониятини тақдим қилади, ушбу хизмат ёрдамида Фойдаланувчи коммунал хизматларининг Таъминотчилари фойдасига ва/ёки Сервис функционали доирасида фойдаланиш мумкин бўлган бошқа Таъминотчилар фойдасига CLICK Тизими орқали тўлов ҳақиқатда муваффақиятли ўтказилганлигини тасдиқлайдиган “CLICK” МЧЖ штемпели босилган қоғоз квитанция ва/ёки электрон квитанция шаклида амалга оширилган барча Тўловлар тўғрисида маълумотлар олиши мумкин. Бундай квитанция Фойдаланувчига ёхуд почта орқали юборилади, ёхуд тегишли Сервис Интерфейсида фойдаланиш мумкин бўлади ва қуйидаги маълумотларни ўз ичига олади:

a) Тўлов суммаси;

b) CLICK тизими ва Таъминотчида транзакцияни идентификациялаш рақамлари;

c) транзакция санаси ва вақти;

d) Тўлов/Ўтказма тафсилотлари (Тўлов амалга оширилган тўловлар, хизматлар белгиланган вазифаси);

e) ушбу Хизмат ёки Таъминотчи функционали томонидан назарда тутилган бошқа маълумотлар.

5-2.2. “Электрон квитанция” Хизмати CLICK Сервиси интерфейслари доирасида амал қилади ва ундан фақат Сервис Фойдаланувчилари фойдаланиши мумкин.

5-2.3. Оператор ушбу Хизмат учун муайян ҳақ белгилашга ҳақли, унинг миқдори ва олиниш тартиби тегишли Сервис интерфейсида кўрсатилади.

5-2.4. Ушбу Хизматдан фойдаланиш учун Фойдаланувчи Сервис интерфейсида тегишли бўлимни танлайди (“буюртма қилади”), қоғоз квитанцияни муайян манзилга етказиб бериш учун керакли маълумотларни (шаклни) тўлдиради (агар қўлланилса) ва Сервис интерфейсида кўрсатилган миқдорда ва тартибда ушбу хизмат учун ҳақ тўлайди (агар тегишли ҳақ назарда тутилган бўлса).    

USSD меню орқали ушбу Хизмат “буюртма” қилинганида, Операторнинг колл-марказидаги оператор Фойдаланувчи билан телефон орқали боғланади ва қоғоз версияли квитанцияни етказиб бериш учун керакли маълумотларни унинг сўзларига асосланиб тўлдиради.

Бунда, агар ушбу Хизматдан фойдаланиш учун тегишли ҳақ назарда тутилган бўлса, Операторнинг колл-марказидаги оператор Фойдаланувчига ушбу Хизмат тўлови учун тегишли ҳисоб чиқариб беради.

Мазкур бандда қайд этилган маълумотлар, шу жумладан етказиб бериш манзиллари тўғри тўлдирилганлиги/ диктовка қилинганлиги учун Фойдаланувчи мустақил равишда жавобгар бўлади.

5-2.5. “Электрон квитанция” Хизмати шартларига розилик бериш ва тегишли равишда, мазкур Оферта шартларини қабул қилиш веб-интерфейс ёхуд CLICK Сервиси Телеграм-боти орқали мазкур Хизмат учун тўлов амалга оширилганлигини тасдиқлаш орқали (агар бундай тўлов мазкур Хизмат функционали томонидан назарда тутилган бўлса) ёхуд USSD орқали чиқарилган ҳисобни тўлаш ёхуд агар мазкур Хизмат учун тўлов назарда тутилмаган бўлса, мазкур Хизматдан фойдаланилганликни ўзгача тасдиқлаш орқали амалга оширилади. Бунда мазкур Хизматдан бугунги кунда фақат мазкур бандда кўрсатилган интерфейсларда фойдаланиш мумкин.

5-2.6. Фойдаланувчидан маблағлар чегириб олингандан сўнг ёки қоғоз квитанция етказиб берилиши учун ушбу Хизмат  “буюртма” қилинганлигининг ўзгача тасдиқланиши олингандан сўнг Оператор 3 (уч) иш кунидан кечиктирилмаган ҳолда квитанцияни босмадан чиқариш, ўз штемпелини босиш ва квитанция “буюртма” қилинганида Фойдаланувчи томонидан кўрсатилган манзил бўйича “буюртма почта” билан келгуси етказиб берилиши учун “Ўзбекистон почтаси” АЖ тегишли бўлинмасига топшириш мажбуриятини олади. Сўнгра тегишли Сервис интерфейсида “буюртма” квитанциясини етказиб бериш/юбориш мақомини кузатиш мумкин. Бунда Оператор фақат тегишли квитанцияни почта бўлинмасига топшириш учун жавобгар бўлади, тааллуқли равишда, Сервис интерфейсларида “буюртма” квитанциясини етказиб бериш/юбориш мақомини кўрсатишда “буюртма” квитанцияси топширилгандан сўнг кўрсатилган мақомлар Оператор томонидан “Ўзбекистон почтаси” АЖ дан олинган маълумотларни акс эттиради.

5-2.7. Оператор “Ўзбекистон почтаси” АЖ томонидан “буюртма” квитанцияси етказиб берилиш муддатлари ва факти учун жавобгар бўлмайди. “Буюртма” квитанцияси етказиб берилмаган ёки ўз вақтида етказиб берилмаган ҳолатда, барча даъво-шикоятлар “Ўзбекистон почтаси” АЖ манзилига юборилади.

 

6. СЕРВИС ДОИРАСИДА ЎТКАЗМАНИ АМАЛГА ОШИРИШ ХУСУСИЯТЛАРИ

6.1. Бир Картадан бошқасига Ўтказма амалга оширилганида Фойдаланувчидан Ўтказма амалга оширилган Картани чиқарган банкнинг тегишли офертасида назарда тутилган миқдорларда, тартибда ва шартларда тегишли воситачилик ҳақи (комиссия) олинади. Бундай комиссия Ўтказма суммасидан ташқари тегишли Сервис Интерфейсида кўрсатилган миқдорда ушлаб қолинади.

Бунда Картани чиқарган банк томонидан Ўтказмалар суммалари даврийлиги ва/ёки миқдорларига чекланишлар қўйилиши мумкин, уларнинг тартиби ва шартлари банкнинг тегишли офертасида кўрсатилади.

6.2. Ўтказма амалга оширилганлигининг тасдиқланиши Ўтказма амалга оширилган Картани чиқарган банкнинг мазкур Шартномаси ва офертаси Фойдаланувчи томонидан тўлиқ ва сўзсиз қабул қилинганлигини англатади.

6.3. Фойдаланувчи Картасида банк комиссияси ҳисобга олинган ҳолда Ўтказмани амалга ошириш учун маблағлар етарли бўлмаган ҳолатда, бундай Ўтказма амалга оширилмайди.

 

7. ТАРАФЛАР ҲУҚУҚ ВА МАЖБУРИЯТЛАРИ

7.1. Оператор қуйидаги мажбуриятларни олади:

7.1.1. CLICK Сервисининг узлуксиз ишлашини таъминлаш;

7.1.2. Ўз Колл-маркази орқали ёки Оператор фойдаланиши мумкин бўлган бошқа усуллар билан Фойдаланувчига ахборот ёрдамини кўрсатиш.

7.1.3. Фойдаланувчининг шахсий маълумотлари, шунингдек ЎзР қонун ҳужжатларига мувофиқ банк сирини ўз ичига олган маълумотлар махфийлигини таъминлаш.

7.1.4. Тегишли Сервис Интерфейсларида мазкур Шартномага ўзгартишлар ва/ёки бошқа аҳамиятли воқеалар ва янгиликлар тўғрисидаги хабарларни, шу жумладан Сервисга уланган янги Таъминотчилар тўғрисидаги ахборотни, шунингдек Сервисга жорий қилинаётган ўзгаришлар тўғрисидаги маълумотларни эълон қилиш.

7.1.5. Фойдаланувчи ва Таъминотчи ва/ёки бошқа Тарафлар ўртасида юзага келадиган даъволашувли вазиятларни ҳал қилишда иштирок этиш.

7.2. Оператор қуйидагиларга ҳақли:

7.2.1. Сервис Фойдаланувчисига Сервис доирасида операциялар амалга оширилишини рад қилиш, агар бундай ҳаракат ва/ёки ҳаракатсизлик Оператор томонидан ЎзР қонун ҳужжатлари талаблари ва/ёки мазкур Шартнома шартлари бузилишига олиб келса.

7.2.2. Фойдаланувчи томонидан ЎзР амалдаги қонун ҳужжатлари талаблари ва/ёки мазкур Шартнома шартлари бузилган ҳолатда ва/ёки Сервис Фойдаланувчиси бирон-бир тарзда фирибгарлик операцияларига ва/ёки жиноий фаолиятдан олинган даромадларни қонунийлаштириш ва терроризмни маблағ билан таъминлаш операцияларига жалб этилганлигига шубҳа қилинган ҳолатда, шунингдек қонун ҳужжатлари билан назарда тутилган бошқа ҳолатларда Оператор вазиятларга аниқлик киритилгунга қадар бир томонлама тартибда Сервисдан фойдаланишни вақтинча тўхтатиб қўйиши ёки Сервис Фойдаланувчисининг Операторга маълум бўлган ҳар қандай манзили бўйича ва/ёки тегишли Сервис Интерфейсига тааллуқли билдириш хати юбориш орқали исталган вақтда Шартномани бекор қилиши мумкин.

7.3. Сервис Фойдаланувчиси қуйидаги мажбуриятларни олади:

7.3.1. Сервисдан мазкур Шартномада белгиланган тартибда фойдаланиш.

7.3.2. Оператор томонидан тегишли Сервис Интерфейсларида эълон қилинадиган Сервис Фойдаланувчилари учун хабарларни кузатиб бориш. Ушбу хабарлардаги талабларга риоя қилиш.

7.3.3. Ўз шахсий маълумотларини ва/ёки Сервисдан фойдаланиш имконини берадиган бошқа реквизитлар ва маълумотларни (бундан буён матнда – “Сервисдан фойдаланиш имконини берадиган реквизитлар” деб юритилади) учинчи шахсларга бермаслик.

7.3.4. Учинчи шахслар томонидан Сервисдан фойдаланиш имконини берадиган реквизитларга ноқонуний эгалик қилиш ва улардан фойдаланишни истисно қиладиган керакли ташкилий-техник чоралар кўриш.

7.3.5. Учинчи шахслар томонидан Сервисдан фойдаланиш имконини берадиган реквизитлардан ноқонуний фойдаланишга тегишли фактлар ёки шубҳалар тўғрисида, шу жумладан Сервисга уланган мобил телефон рақамларидан фойдаланиш имконияти йўқотилган (йўқотилган, ўғирланган ёки бошқа усулда йўқотилган) ҳолатларда Операторни дарҳол хабардор қилиш.

7.3.6. Сервис орқали ноқонуний молиявий операцияларни, ноқонуний савдо-сотиқни, жиноий йўл билан олинган даромадларни қонунийлаштиришга ёки терроризмни маблағ билан таъминлашга қаратилган операцияларни, қонун ҳужжатлари билан тақиқланган бошқа ҳаракатларни амалга оширмаслик.

7.3.7. Сервисдан мунтазам равишда фойда олиш ёхуд даромадни яширишга қаратилган операцияларни амалга ошириш учун фойдаланмаслик.

 

8. ТАРАФЛАРНИНГ ЖАВОБГАРЛИГИ

8.1. Тарафлар мазкур Шартнома доирасида ўз вазифалари бажарилмаганлиги учун жавобгар бўладилар.

8.2. Сервис Фойдаланувчиси тегишли Сервис Интерфейси орқали Тўловлар/Ўтказмаларни амалга ошириш тўғрисидаги топшириқномада қайд этилган маълумотларнинг тўғрилиги учун мустақил равишда тўлиқ жавобгар бўлади ва Тўловлар/Ўтказмаларни амалга ошириш тўғрисидаги топшириқномада хато маълумотлар кўрсатилган ҳолатда, Сервис Оператори томонидан Шартнома бўйича ўз мажбуриятларининг тегишлича бажарилмаганлиги туфайли Сервис Операторига ҳеч қандай шикоят қилишга ҳақли эмас. Тегишли ахборот нотўғри кўрсатилган ҳолатда, Тўлов/Ўтказма ташаббусчиси ҳисобидан чиқарилган маблағлар қайтарилмайди.

8.3. Сервис Оператори томонидан Фойдаланувчидан Сервисга уланган мобил телефон рақамларидан фойдаланиш имконияти йўқотилганлиги тўғрисида ариза олинган пайтга қадар Фойдаланувчининг хоҳиш-истагини ўз ичига олган Тўловни амалга ошириш тўғрисидаги топшириқнома Фойдаланувчи томонидан олинган ҳисобланади.

8.4. Фойдаланувчининг Сервисга уланган мобил телефон рақамларидан фойдаланиш имконияти йўқотилган ҳолатда ушбу ҳолат тўғрисида аризани Оператор томонидан олинган пайтга қадар, Фойдаланувчи Сервис Операторига Сервисдан фойдаланиб амалга оширилган Тўловлар/Ўтказмалар қайтарилиши тўғрисида талабномани тақдим қилишга ҳақли эмас.

8.5. Фойдаланувчи Сервисга уланган мобил телефон рақамларидан, шунингдек унинг мобил телефонига ўрнатилган иловалар ва дастурлар ёрдамида ёки унинг Сервисдан фойдаланиш имконини берадиган реквизитлари ёрдамида Фойдаланувчи номидан амалга оширилган учинчи шахсларнинг ҳар қандай ҳаракатлари учун жавобгар бўлади ва зарарлар ўрнини тўлдиради.

8.6. Йўқотилган, ўғирланган ёки Фойдаланувчида Сервисга уланган мобил телефон (абонентлик) рақамларидан фойдаланиш имконияти бўлмаган бошқа ҳолатларда – Фойдаланувчи 7.3.5-бандга мувофиқ, Оператор томонидан Фойдаланувчидан Сервисга уланган мобил телефон рақамларидан фойдаланиш имконияти йўқотилганлиги тўғрисида ариза олинган пайтга қадар учинчи шахслар томонидан Сервисдан фойдаланиш билан боғлиқ учинчи шахсларнинг ҳар қандай ҳаракатлари учун жавобгар бўлади ва зарарлар ўрнини тўлдиради.

8.7. Оператор техник платформалар ва транспорт тармоқлари ёки алоқа тармоқлари ишида Операторнинг айбисиз юзага келган кечикишлар ва узилишлар учун Фойдаланувчи олдида жавобгар бўлмайди.

8.8. Оператор Фойдаланувчи томонидан Сервисдан фойдаланиш имконини берадиган ўз реквизитлари ва/ёки бошқа шахсий маълумотлари ошкор қилинганлиги туфайли Фойдаланувчига етказилган ҳар қандай турдаги зарар учун жавобгар бўлмайди.

8.9. Оператор Таъминотчилар томонидан Фойдаланувчига кўрсатиладиган Хизматлар сифати учун, шунингдек бундай Таъминотчилардан олинадиган Хизматларнинг Фойдаланувчиларга кўрсатилиши жараёнида ва шу сабабли юзага келадиган Таъминотчиларнинг Фойдаланувчилар олдидаги мажбуриятлари бўйича жавобгар бўлмайди.

8.10. Фойдаланувчи Сервисда унинг томонидан амалга ошириладиган барча операциялар учун жавобгар бўлади.

8.11. Оператор Шартнома бўйича ўз мажбуриятлари бажарилмаганлиги ёки тегишлича бажарилмаганлиги техноген хусусиятли енгиб бўлмас куч вазиятлари, айнан эса: Сервис фаолияти учун фойдаланиладиган кучли токда ишлайдиган электр ёки компьютер тармоқларида ёки бошқа электр алоқа тармоқларида авария (ишдаги тўхталиш) оқибатида, шунингдек учинчи шахсларнинг Сервис фаолиятини издан чиқаришга қаратилган қасддан ноқонуний ҳаракатлари натижасида юз берган бўлса, бундай ўз мажбуриятлари тўлиқ ёки қисман бажарилмаганлиги учун жавобгарликдан тўлиқ озод қилинади.

8.12. Оператор бошқа ташкилотлар томонидан тақдим қилинадиган алоқа линиялари иш сифати ва унга тегишли бўлмаган бошқа, шу жумладан бошқа ташкилотларга тегишли маълумотлар узатиш тармоқлари транзит узеллари ускуналарининг ишга яроқсизлиги учун жавобгар бўлмайди.

 

9. ШАРТНОМАНИНГ АМАЛ ҚИЛИШ МУДДАТИ ВА УНИ БЕКОР ҚИЛИШ ТАРТИБИ

9.1. Шартнома Оммавий оферта жисмоний шахс томонидан акцептланган пайтдан эътиборан кучга киради ва Тарафлар Шартнома бўйича ўз мажбуриятларини тўлиқ бажаргунгача амал қилади.

9.2. Фойдаланувчи Сервис Интерфейсларида фойдаланиш мумкин бўлган функционалга мувофиқ Сервисдан чиқиб кетиш орқали исталган вақтда Шартнома ижросини рад қилишга ҳақлидир.

9.3. Мазкур Шартномани бекор қилиш Сервис доирасида пуллик хизматлар бўйича Шартномалар бекор қилинишини англатмайди, агар бундай сервислар фаоллаштирилган бўлса.

9.4. Шартнома Оператор томонидан мазкур Шартномада қайд этилган шартларга мувофиқ бир томонлама тартибда бекор қилиниши мумкин.

 

10. ЯКУНИЙ ҚОИДАЛАР

10.1. Мазкур Шартнома доирасида юзага келиши мумкин бўлган барча даъволар музокаралар орқали ҳал қилинади. Музокаралар орқали келишувга эришилмаган ҳолатда, Тарафлар ўз келишмовчиликларини ЎзР амалдаги қонун ҳужжатларига мувофиқ суд тартибида ҳал қиладилар.

10.2. Шартнома билан ҳал қилинмаган барча масалалар Ўзбекистон Республикасининг амалдаги қонун ҳужжатларига мувофиқ ҳал қилинади.

 

11. СЕРВИС ОПЕРАТОРИ РЕКВИЗИТЛАРИ

“CLICK” МЧЖ

Юридик манзили: Тошкент шаҳри, Братислава кўчаси, 11-уй.

Банк реквизитлари: ҳ/р 20208000304942713001

“Asia Alliance Bank” АТБда,

Шайхонтоҳур филиали,

МФО 01057

СТИР 302134733