CLICK hamyon

CLICK-hamyon nima va u qanday ishlatiladi

CLICK kompaniyasi yangiliklarni xush ko'ruvchilar uchun ajoyib yangilikni taqdim qilmoqda – elektron hamyon. Oddiy qilib aytganda, CLICK-hamyon bu virtual hisob bo'lib, uni to'ldirish, undan turli tovar va xizmatlarga to'lash va hamyonlar o'rtasida o'tkazmalarni amalga oshirish mumkin.

Barchasi oddiy plastik kartalaridek, faqat bunda bankga borishingiz, karta yoki hisob ochilishini kutishingiz kerak emas. Uni o'zingiz CLICK Evolution ilovasida ochishingiz mumkin.

CLICK-hamyon qanday ochsa bo'ladi

CLICK Evolution ilovasida kartalaringizni, agar shundaylar mavjud bo'lsa, oxirigacha varaqlang va “Karta qo'shish”ni tanlang. Shu bilan birga “Kartalarim” bo'limiga o'tib, u yerda “Karta qo'shish” tugmasini bosishingiz mumkin.

Taklif qilingan variantlardan CLICK-hamyonni tanlang. Undan so'ng tug'ilgan kuningizni kiritishingiz, va ommaviy oferta shartlari bilan tanishib, ularni qabul qilishingizni tasdiqlashingiz kerak bo'ladi. E'tiboringizni
qaratmoqchimiz, haqiqiy tug'ilgan sanani kiritishingiz lozim, ma'lumotlaringiz o'chganda yoki hamyoningizni tiklashda aynan shu ko'rsatilgan tug'ilgan sana kiritilishi kerak bo'ladi.

Boshida barcha CLICK foydanaluvchilariga Light turidagi hamyon ochiladi.

CLICK-hamyonlarida qanday turlari mavjud

CLICK-hamyonlar 2 turda bo'ladi:

  • Light - bir qator cheklovlarga ega - misol uchun, hamyonning balansi hech bir vaqtda 5 BHMdan oshmasligi kerak (1 115 000 so'm, 1 BHM = 223 000 so'm).
  • Premium - cheklovlar yo'q.

Premium turiga o'tish uchun CLICK-hamyonning foydalanuvchisi identifikatsiyadan o'tishi kerak. Buning uchun kompaniya ofisiga pasportning asl nusxasi bilan murojat qilish, hamyon raqamini va yaratilayotganda kiritilgan tu'g'ilgan sanani aytish kerak bo'ladi.

CLICK-hamyonni to'ldirish

CLICK-hamyonni plastik karta yoki boshqa hamyondan pul o'tkazish yo'li bilan to'ldirish mumkin:

- Hamyon raqami orqali

- CLICK-hamyon bog'langan telefon raqami orqali.

CLICK-hamyondan to'lovlarni amalga oshirish

CLICK-hamyon foydalanuvchilari bunday to'lovlar uchun moslangan barcha tovar va xizmatlarga to'lovlarni amalga oshirishlari mumkin. CLICK-hamyonlardan to'lovlarni qabul qilmaydigan hamkorlar ilovada kulrang bo'lib qo'rsatiladi. Аgarda foydalanuvchida CLICK-hamyondan tashqari plastik karta ham bo'lsa, unga kartadan to'lash taklif qilinadi.

Hozirgi paytda CLICK-hamyon foydalanuvchilariga plastik kartadan hamyonga, va hamyondan hamyonga pul o'tkazish imkoniyati joriy qilingan. Hamyondan plastik kartaga o'tkazmalar vaqtincha cheklangan.

CLICK-hamyonni yopish

Qandaydir sababdan CLICK-hamyonni yopishni istasangiz “Hamyonni yopish” tugmasini bosishingiz kerak bo'ladi. Аgar hamyonda qoldiq bo'lsa, ilova uni to'lovga, xayriyaga ishlatishni yoki uni olishni taklif qiladi. E'tiboringizni qaratmoqchimizki, ishlatilmagan qoldiq muzlatilib va uni faqat kompaniya ofisiga shaxsan murojaat qilganingizdagina olishingiz mumkin bo'ladi. 3 yil ichida murojaat etilmagan bo'lsa, qoldiq xarajatga chiqarilib, egasiga qaytarilmaydi.

Tariflar

CLICK-hamyon ochish - BEPUL

CLICK-hamyon to'ldirish - BEPUL

Hamyondan hamyonga pul o'tqazish - o'tqazma summasidan 0.5%

Batafsil ma'lumot "Tariflar" sahifasida

"CLICK-Hamyondan foydalanishni bashlaganingizda ommaviy oferta shartlariga roziligingizni bildirasiz"